Maqedonisë po i përsëritet historia. Sjellja mizore me migrantët në kufi me Greqinë, rishfaqi pamjet e eksodit kosovar në vitin 1999, atëherë, kur, njëjtë, si dje për migrantët sirian, Maqedonia mbylli kufirin për migrantët kosovarë.
Analisti Ismet Ramadani, vlerëson se kjo sjellje e pushtetit ngaj migrantëve, si në vitin 1999, edhe në 2015-ën tregon se Maqedonia si shtet nuk është shtet human.
Ramadani rikujton se golgota e migrantëve lehtësohet pak nga entuziastët e disa organizatave humanitare, ndërsa shteti i Maqedonisë jo vetëm që nuk është treguar human, por përkundrazi është treguar mizor.
Ai thotë se pamjet e ferrit të Bllacës nuk mund ti harrojë asnjëherë, ndërsa diçka e ngjashme u rishfaq edhe dje me migrantët sirianë.