Daja i Mario Memës, bashkëpunëtori i Igli Metës, i cili masakroi bashkëmoshatarin e tij, Ismail Lullit në Itali, i ka dhënë fund jetës në Shqipëri për shkak të turpit nga veprimi i nipit.
Lajmin e ka bërë të ditur për mediat italiane nëna e Marios.
“Im vëlla u vetëvra sot”, ka thënë Vera Mema. Mësohet se daja i adoleshentit është gjetur i vetëvarur nga i biri 12-vjeçar.
Ajo nuk i beson versionit të Igli Metës për përfshirjen e djalit të saj në krim.
“Pas një jave ndërroi qëndrim. Mario është një viktimë. Igli kishte përgatitur gjithçka vetë, përse të fajësohet im bir”, ka thënë ajo.